Si të shfaq Power BI në televizorë?
Për të shfaqur Power BI në televizorë, përmbajtja juaj duhet të jetë publike. Ju e publikoni raportin në ueb nga vetë Power BI, kopjoni lidhjen e krijuar dhe e futni këtë lidhje te mjeti Power BI në listën e luajtjes së televizorit.
E rëndësishme: kur e bëni përmbajtjen publike, çdokush në internet që ka lidhjen e përmbajtjes suaj interaktive të Power BI mund ta shfaqë raportin ose pamjen e publikuar. Shfaqja nuk kërkon asnjë vërtetim. Prandaj, ndajeni lidhjen publike vetëm me njerëz të cilëve u besoni.
Publikimi i raportit në Power BI
- Hapni një raport në një hapësirë pune (workspace) që mund ta redaktoni dhe zgjidhni Skedari > Përfshi raportin > Publiko në ueb (publik).
- Nëse administratori i Power BI nuk ju ka dhënë lejen për të krijuar kode përfshirjeje, kontaktoni me të.
- Shqyrtoni përmbajtjen e kutisë së dialogut dhe zgjidhni Krijo një kod përfshirjeje.
- Lexoni paralajmërimin dhe kontrolloni nëse të dhënat janë të sakta. Nëse po, zgjidhni Publiko.
- Në kutinë e dialogut Sukses do të shihni disa fusha me lidhje dhe kode. Kopjoni vetëm lidhjen e fushës së parë. Informacionet e tjera nuk do t'ju nevojiten.
Shënim: nëse keni krijuar më parë një kod përfshirjeje për këtë raport, kur zgjidhni Publiko në ueb (publik) nuk do t'i shihni kutitë e dialogut të hapave 2 deri në 4. Në vend të tyre, do të shihni kutinë e dialogut Kodi i përfshirjes. Edhe në këtë rast, kopjoni vetëm lidhjen e fushës së parë.
Shfaqja në televizor
- Në panel, hapni listën e luajtjes së televizorit.
- Futni lidhjen e kopjuar te mjeti Power BI.
